Наманганда «Дамас» поезд билан тўқнашди, икки киши ҳалок бўлди

Наманган вилояти Фавқулодда вазиятлар бошқармасидан олинган маълумотга асосан, 8 октябрь куни соат 09:30ларда Поп тумани «Уйғур» қишлоғи ҳудудида жойлашган қўриқланадиган темир йўл кесишмасида «Дамас» автомашинасининг юк поезди билан тўқнашуви рўй берган.

ФВВ ахборот хизмати хабарига кўра, автомашина светофорнинг қизил чироғига тўхтамай, «Қўшминор-Поп-2» йўналиши бўйича ҳаракатланаётган 3008-сонли юк поезди билан тўқнашув содир этган.

Йўл-транспорт ҳодисаси натижасида «Дамас» автомашинасида бўлган 2 нафар фуқаро вафот этган ва 5 нафар фуқаро тан жароҳатлари олган.