Facebook iPhone 7 Plus, 8 Plus, X ёки XS смартфонларида олинган суратлар базасида 3D-тасвирлар яратиш имконини бермоқда. Портрет режимида олинган суратлар тасвир чуқурлигига оид маълумотларни сақлаб қолади, дея изоҳ берилади компанияда.
Оддий суратдан яхши 3D-тасвир яратиш учун шаффоф объектлар (масалан, пластик ёки шиша)ни четлаб ўтиш ва контраст фонлар ҳамда деталларни танлаш керак.
3D-суратларни Oculus Go ёки Firefox'даги Oculus браузери ёрдамида оддий смартфонда ҳам, VR'да ҳам кўриш мумкин. Кейинчалик бу функциядан нафақат iPhone, балки бошқа смартфонларда ҳам фойдаланиш мумкин бўлади.
