Рамос дунё рекордига яқинлашиб қолди

«Реал» ҳимоячиси Серхио Рамос Испания терма жамоаси таркибида Англияга қарши ўйинда майдонга тушиши кутилмоқда.

Агар бу иш амалга ошса, Рамос «Қизил фурия» таркибидаги ўйинлари сонини 160тага етказиб олади. Бу кўрсаткич бўйича миллий рекорд Икер Касильясга тегишли бўлиб, 167та ўйинга тенг.

Дунё рекорди эса Миср терма жамоасининг собиқ ҳужумчиси Аҳмад Ҳасанга тегишли. У 184 марта «фиръавнлар» либосда майдонга тушган.

Миллатлар Лигасидан ўрин олган Испания - Англия ўйини 15 октябрь куни соат 23:45да бошланади.