Туркия полицияси Саудия Арабистони консуллигига тинтув ўтказгани кирди
Турк полициячилари саудиялик журналист Жамол Қошиқчининг йўқолиши тергови доирасида Саудия Арабистонининг Истанбулдаги бош консуллигига киришди. Бу ҳақда NTV телеканали маълум қилди.
Аввалроқ ушбу иш бўйича икки давлат ишчи гуруҳи биринчи йиғилишини ўтказган ва шундан кейин консулликка Саудия Арабистони ишчи гуруҳи аъзолари киришган.
Қошиқчи 2 октябрда Саудия Арабистони консуллигига келиб, сўнгра изсиз йўқолиб қолган. Туркия ҳукумати журналист консулликда ўлдирилган бўлиши мумкинлигини тахмин қилмоқда.
Саудия Арабистони ҳукуматининг таъкидлашича, журналист консуллик биносини тарк этгандан кейин йўқолиб қолган. Бироқ Туркия президенти Ражаб Тоййиб Эрдўғаннинг айтишича, Саудия Арабистони журналистнинг йўқолишига алоқадор эмаслигини исботлаши лозим, ҳозирча эса унинг важлари ишонарли эмас.
Мавзуга оид
13:38 / 24.09.2024
Саудиянинг аср лойиҳасига айланиши кутилган Vision 2030 дастури қийинчиликларга дуч келди
08:20 / 11.09.2024
«Умра – 2024» янги мавсуми бошланди
09:44 / 29.06.2024
Ҳаж вақтида 10 га яқин Ўзбекистон фуқароси вафот этгани айтиляпти
18:28 / 24.06.2024