Америкалик миллиардер ва SpaceX компанияси раҳбари Илон Маск твиттердаги саҳифасида Лос-Анжелес остидан ўтувчи илк тезкор туннелнинг видеосини жойлаштирди.
Маск июнь охирида туннел қурилиши бошланишини, кейинроқ у 10 декабрда очилишини эълон қилган. Маълумотларга кўра, туннелни қуриш билан Маскнинг яна бир компанияси The Boring Company шуғулланмоқда.
“Лос-Анжелес остидаги бутун туннел орқали ўтдим. Сафарим хавотирли ва узоқ давом этди. Туннелнинг 10 декабрда очилиши муносабати билан базмга тайёргарлик кўрмоқдамиз”, деб ёзган Маск.
— Elon Musk (@elonmusk) November 3, 2018
Маск The Boring Company бурғилаш компаниясига 2016 йил охирида асос солган. Маскнинг режаси Лос-Анжелес ва Вашингтонда туннеллар тармоғини қуришни кўзда тутади. Кейинги босқичда Техас ёки Сан-Францискода туннеллар қурилиши мумкин.
