Меркелни Францияда Макроннинг рафиқаси билан адаштириб юборишди

Фото: AFP/Alain JOCARD

Германия канцлери Ангела Меркелни Биринчи жаҳон уруши якунланганининг 100 йиллиги туфайли ташкил этилган тадбирда Франция президенти Эммануэль Макроннинг рафиқаси Брижит Макрон билан адаштириб юборишди. Бу ҳақда BFMTV хабар қилмоқда.

Таъкидланишича, бундай кутилмаган ҳолат Германия ва Франция етакчиларининг жамоатчилик билан мулоқоти пайтида юз берди.

Франциялик 100 ёшли аёл Меркелга мурожаат қилиб: «Сиз Макрон хонимми?», дея савол берган. Бунга жавобан канцлер немис тилида шундай жавоб қайтарди: «Германия канцлери».

Таъкидланишича, аёл, катта эҳтимол билан, Брижит Макрон билан суҳбатлашаётганига ишончи комил бўлган.