![](https://storage.kun.uz/source/3/HMpV2hHCboKAoXcKg3C-q_VVNQKW98Q4.jpeg)
АҚШ президенти Дональд Трамп Калифорния штатини ўрмон ёнғинлари туфайли табиий офат ҳудуди деб эълон қилди. Бу ҳақда у твиттерда хабар берган.
«Мен даҳшатли азоб-уқубатларни енгиллаштириш учун тезда жавоб беришни хоҳладим», - дея ёзган Трамп.
Шунингдек, унинг таъкидлашича, Калифорния учун табиий офат режимини жорий этиш борасидаги сўровни маъқуллаган.
![](https://storage.kun.uz/source/3/nlSmAGRPx0qO1p8XxWNibnHiP1E8cHOh.jpg)
Калифорния жанубида иккита ёнғин авж олган. Woolsey ёнғини 33 минг гектар ерни қамраб олди ҳамда 10%га бартараф қилинди. Яна бир ёнғин, Hill 1,8 минг гектар жойга тарқалди ва ҳозирда 75%га бартараф этилган. Штат жанубидаги ёнғинлар оқибатида жами 179та бино вайронага айланди, олов камида 57 мингта бино-иншоотларга таҳдид солмоқда.
Калифорнияда ўрмон ёнғинлари туфайли 300 мингдан ортиқ одам эвакуация қилинган.