Хитойда 2019 йилда дунёдаги энг узун икки қаватли кўприк қурилиши якунланади

Хитой 2019 йилнинг октябригача энг узун икки қаватли осма кўприк қурилишини якунламоқчи. Бу ҳақда “Синьхуа” ахборот агентлиги хабар қилган.

Гап Ухан шаҳрида қурилаётган ва Янцзи дарёси устидан ўтувчи кўприк ҳақида бормоқда.

“Кўприк ҳар бири 6 полосали икки қаватдан иборат бўлади”, деб маълум қилинган хабарда. Таъкидланишича, бундай конструкция қатновни енгиллаштириб, транспорт тизимига тушадиган юкламани камайтиради.

Маълум қилинишича, кўприк пролётининг узунлиги 1,7 кмни ташкил қилади. Бугунги кунгача бундай конструкциядаги кўприклар орасида рекордчи Нью-Йорк шаҳрининг Бруклин ва Статен-Айленд туманларини боғловчи Веррацано-Нарроус кўприги ҳисобланади. Унинг марказий пролёти узунлиги 1 км 298 метрни ташкил қилади. 

Маълумотларга кўра, Уханда қуриладиган кўприк узунлиги 36 метр, эни 32,5 метр, баландлиги 10 метр ва оғирлиги бир тонна келадиган 49 та пўлат блокдан ташкил топади. Маълум қилинишича, кўприкнинг илк блоки 15 ноябрда ўрнатилди.