ОАВ: Трамп 2020 йилда вазмин ва мазмунли бўлиши керак

АҚШ президенти Дональд Трампга популизм керак, у 2020 йилги президентлик сайловларида ғалаба қозонмоқчи бўлса, камроқ дабдабали ва кўпроқ мазмунга эга бўлиши лозим. Бу ҳақда Politico нашри ёзмоқда.

Ҳозирги вақтда Трампнинг популизм услуби жанговар, ўта ҳиссиётли, олдиндан айтиб бўлмайдиган ва даъволарга эгадир, дея таъкидлайди нашр. Ҳиссиётлар Трампнинг ўз сайловчиларига мурожаатида марказий ўринни эгаллайди, дейилади материалда. Бу уни истеблишментга қарши мустаҳкам турган ўзига хос сиёсатчи сифатида гавдалантирмоқда. Нашрнинг қайд этишича, Америка етакчисига ўрта синфдаги сайловчилар ҳамда шаҳарлар четида яшовчиларни ўзига жалб қила оладиган популизм ҳам керак.

Бу, айниқса, АҚШ конгрессига оралиқ сайловлар натижасида кўпчилик ўринни қўлга киритган демократларга вакиллар палатасида қарама-қаршилик кўрсатиш учун муҳим. 

Ҳаттоки ноябрь ойидаги сайловлар натижалари Трампга куч бағишлай олмаса ҳам, Қўшма Штатлар етакчиси барибир ҳамон ўйин ичида қолади, дея қўшимча қилмоқда Politico.

Эслатиб ўтамиз, аввалроқ Трамп Мэй билан Эрон туфайли уришиб қолгани хабар берилганди.