![](https://storage.kun.uz/source/3/zhqUqnS38NHdXixbK4TawVZnLgVposY5.jpg)
Фото: azh.kz
Қозоғистонлик чегарачилар Истанбул - Олмаота рейси йўловчиларини текшириш пайтида аёл кишини қўлга олишди. Бу ҳақда Total.kz хабар бермоқда.
Истанбул - Олмаота рейсида келган йўловчи аёлнинг ёнидан чегарачилар Россия сохта паспортини топишган.
«Олмаота халқаро аэропорти чегарачилари томонидан Истанбул - Олмаота йўналишидаги ТК-350 рейсини расмийлаштириш давомида аёл киши қўлга олинди, унда Россия паспорти бўлган. Текширув давомида унинг паспортида қисман сохталаштириш белгилари топилди. Кейинги текширувларда аниқланишича, қўлга олинган шахс Ўзбекистон Республикаси фуқароси экан», - дея хабар беришган Қозоғистон МХҚ матбуот хизматидан.
Аёлга Қозоғистон давлат чегараси орқали ўтишга рухсат берилмади. У Ўзбекистонга депортация қилинади.