«ПСЖ» клуби молиявий фэйр-плей қоидаларини бузгани учун УЕФА томонидан жазоланиши мумкин.
Аввалроқ, Football Leaks портали парижликлар томонидан молиявий фэйр-плей қоидаларини айланиб ўтиш учун ҳийла ишлатилгани ҳақидаги маълумотларни чоп қилган эди.
Diario Gol хабарига кўра, агар УЕФА «ПСЖ»ни жазоласа, «Барселона» ҳужумчи Килиан Мбаппени харид қилишга уриниб кўради. Чунки, катта миқдордаги жаримани тўлаш чун парижликларга етакчиларидан бирини сотишга тўғри келади.
Эслатиб ўтамиз, Мбаппе «ПСЖ» томонидан 2017 йилда «Монако» клубидан 180 миллион еврога сотиб олиш мажбурияти билан ижарага олинган эди.
