Францияда ёқилғи нархи ошишига қарши оммавий норозиликларда 200дан ортиқ киши жароҳатланди

Франция бўйлаб автомобил ёқилғиси нархлари кўтарилишига қарши ўтказилган оммавий намойишлар давомида жабрланганлар сони 227 нафарни ташкил этди. Бу ҳақда Франция Ички ишлар вазири Кристоф Кастанер маълумот берган.

Унинг сўзларига кўра, жароҳатланган ҳолда шифохонага олиб борилганлардан 5 нафари оғир аҳволда қолмоқда.

Улар полициянинг қаршилиги туфайли эмас, йўл-транспорт ҳодисаларига йўлиқиши оқибатида жабрланишган.

Франция жануби-шарқидаги Савойя департаментида бир ҳайдовчи аёлни автомобиль уриб кетган.

Тартибсизликлар давомида 52 киши қўлга олинган, айни вақтда улардан 38 нафари ҳибсда қолмоқда.

Улар мамлакатдаги катта магистралларни тўсиб қўйишганди. Сариқ либослардаги транспорт ходимлари Франция президенти Эммануэль Макронни «кичик одамлар»ни унутиб қўйганликда айблашган.

Вазирлик маълумотига кўра, турли ҳудудларда ташкил этилган 2 мингдан ортиқ манифестларда 282 мингдан ортиқ киши иштирок этган.