Москвада мигрантлар орасида жиноятчилик камайганлигининг сабаби айтилди

Москвада рўйхатдан ўтиш ва патент бериш туфайли мигрантлар орасида жиноятчилик содир этилиши тенг ярмига камайди, деди Москва мэри Сергей Собянин.

"Бугунги кунда 70% гастарбайтерлар рўйхатдан ўтмоқда, патент олмоқда, бармоқ изларини қолдирмоқда, яъни биз уларни кўрамиз ва таниймиз. Бу миграция билан боғлиқ жиноятларнинг сезиларли равишда камайишига олиб келди", деди Собянин "Россия-1" телеканалига берган интервьюсида.

У Москвада видеокузатув тизими ҳовлилар, уйлар, транспорт тизими, савдо марказлари ва шаҳар кўчаларини қамраб олганини, бу эса полиция иши самарадорлигини оширишини таъкидлади.