Фото: Depositphotos
Чикагода 100 қаватли Ханкок-марказ биносида ичида олти нафар йўловчи бўлган лифт 95-қаватдан пастга тушиб кетди. Бу ҳақда Daily Mail хабар қилмоқда.
Нашр маълумотларига кўра, ҳодисага узилиб кетган трос сабаб бўлган. Кабинада мексикалик икки нафар сайёҳ, ҳомиладор аёл ва уч нафар талаба бор эди.
Пастга тушиб кетган кабина 11-қаватда туриб қолган. Қутқарувчилар лифт қаерда эканини аниқлаш, деворни бузиш ва одамларни чиқариб олиш учун уч соат вақт сарфлашди.
Рўй берган воқеа натижасида ҳеч ким зарар кўрмади.
