Сурияда жанг қилган ва судга тортиладиган россиялик генералнинг қандай ҳаёт кечиргани айтилди

Суриядаги можарода иштирок этаётган томонларни яраштириш маркази собиқ раҳбари, генерал-лейтенант Сергей Чварковнинг адвокати сўзларига кўра, у фирибгарлик ҳақидаги айбловларга қарамай, «жуда камтарона ҳаёт кечиради». Бу ҳақда РИА «Новости» хабар бермоқда.

«Генерал-лейтенант Чварковнинг давлатини текшириш шуни кўрсатдики, унда ҳеч қандай уйлар, ер участкалари, яхталар, олтин ёмбилари, қимматбаҳо соатлар йўқдир, шунингдек, у суратлар коллекциясига ҳам эгалик қилмайди», - дейди адвокат Павел Лапшов.

Шунингдек, унинг таъкидлашича, генерал оиласининг даромадлари тўғрисидаги декларация ҳам ҳеч қандай маълумот бермади, чунки унинг оиласи давлат нафақаси ҳисобидан яшайди.

«Қимматбаҳо машиналар ҳам йўқ. У ва унинг оиласида аниқланмаган ҳисоблардан махфий омонатлар ҳам топилмади, генералга қандайдир фойда беришга уринган «номаълум» шахслар ҳам аниқланмади», - дея қайд этиб ўтди Лапшов.

Шунингдек, унинг таъкидлашича, генералнинг турмуш ўртоғи невропатолог врач бўлиб ишлайди ва давлатдан ёрдам олади.

Эслатиб ўтамиз, аввалроқ Сергей Чварков судга тортилиши хабар берилганди.