Фото: Getty Images
Африка футбол конфедерацияси (CAF) 2018 йил якунига кўра қитъанинг энг яхши футболчиси бўлиш учун номзодларни эълон қилди.
Рўйхатга Муҳаммад Салоҳ (Миср, «Ливерпуль»), Риёз Маҳрез (Жазоир, «Манчестер Сити»), Садио Мане (Сенегал, «Ливерпуль»), Ахмад Муса (Нигерия, «Ан-Наср»), Алекс Айуоби (Нигерия, «Арсенал»), Хаким Зиёш (Марокаш, «Аякс»), Калиду Кулибали (Сенегал, «Наполи»), Махдий Бенатиа (Марокаш, «Ювентус»), Пьер-Эмерик Обамеянг (Габон, «Арсенал»), Наби Кейта (Гвинея, «Ливерпуль»), Ясин Браими (Жазоир, «Порту») киритилди.
Ғолиб номи 2019 йил 8 январь куни Сенегал пойтахти Дакар шаҳрида ўтказиладиган тадбирда эълон қилинади.
Эслатиб ўтамиз, ўтган йили совринни Муҳаммад Салоҳ қўлга киритган эди.
