Сергелидаги янги уйлардан бирини олмоқчи бўлган аёлни 35 минг долларга «ухлатишди»

Тошкент шаҳрининг Яккасарой туманида 3 декабрь куни ИИБга тушган ҳужжатларга кўра, шу йил 15 июль куни Жиззах вилоятида яшовчи, муқаддам судланган Б.С. Ш.Руставели кўчаси олдида Чилонзор туманида яшовчи Д.Б. га Сергели туманида қурилаётган янги уйлардан 3 хоналисини 2018 йил август ойига қадар олиб беришини ваъда қилган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс ундан 35 000 АҚШ долларини олиб, берган ваъдасини бажармасдан пулларни ўз эҳтиёжлари учун ишлатиб юборган. Б.С. қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.