Украина ҲДК қўмондони ўзини Россияда ҳибсга олинган денгизчилар эвазига таклиф қилди

Украина ҳарбий-денгиз кучлари (ҲДК) қўмондони Игорь Воронченконинг маълум қилишича, агар Россия Керч бўғозидаги ҳодисадан кейин қўлга олинган украиналик денгизчиларни озод қилса, Россиядаги қамоқхонага боришга тайёрдир. Бу ҳақда у Германиянинг Bild нашрига берган интервьюсида айтди.

Украина ҳарбий-денгиз кучлари раҳбарининг таъкидлашича, қўлга олинган денгизчиларни кўрганида «юраги эзилиб кетмоқда». Шунингдек, Воронченконинг қўшимча қилишича, Россия томони денгизчиларни ноқонуний равишда ушлаб турибди.

Аввалроқ, Украина Россияга 89 кишини 42 кишига алмашишни таклиф қилганди.

Эслатиб ўтамиз, бундан аввал Порошенко Путин қандай ҳолатда ғалабага эришишини айтганди.

«Агар биз президентлик сайловларини бошқа муддатга кўчирсак, унда бу ҳолатда фақат бир ғолиб бўлади ва ушбу ғолибнинг номи - жаноб Путин. Биз унга бу имкониятни бермаймиз», - деди Порошенко.