Роналду А Серияда дарвоза томон 100 марта зарба йўллади, бу – кучли бешликда энг яхши натижа

«Ювентус» А Серия 15-турининг илк ўйинида «Интер»ни мағлуб этди (1:0). Ўйиндаги ягона гол Марио Манжукич томонидан урилди. 

Ўйинда мезбонлар ҳужумчиси Криштиану Роналду дарвоза томон 4 маротаба зарба йўллаган бўлиб, улардан иккитасини ҳимоячилар тўсиб қолди, биттаси ноаниқ чиқди ва яна бир зарба дарвоза соҳасига аниқ етиб борди. Бу ўйиндан кейин у кучли бешлик чемпионатларининг ушбу мавсумида 100та зарба йўллаган илк футболчига айланди.

Эслатиб ўтамиз, А Сериядаги дебютида 10та гол урган Роналду «Женоа» ҳужумчиси Кшиштоф Пятек билан биргаликда А Серия тўпурарлари рўйхатини бошқариб турибди. Португалиялик юлдузнинг ҳисобида 5та ассист ҳам бор.