Ўзбекистонда икки йилда 90та қонун, 2 мингдан зиёд фармон ва қарорлар қабул қилинди 

Ўзбекистонда икки йилда 90та қонун ҳамда 2 мингдан зиёд фармон ва қарорлар қабул қилинди. Бу ҳақда президент Шавкат Мирзиёев Конституция куни муносабати билан қилган маърузасида айтди.

«Кейинги икки йилда фуқароларимизнинг конституциявий ҳуқуқ ва эркинликларини рўёбга чиқариш, турмуш шароитларини яхшилаш, йиллар давомида тўпланиб қолган муаммоларни ҳал этишга қаратилган 90 та қонун ҳамда 2 мингдан зиёд фармон ва  қарорлар қабул қилдик», - деди у.

Қайд этилишича, қабул қилинган қонун ҳужжатларида белгиланган 13 мингдан ортиқ топшириқларнинг 20 фоизи муддатида ижро қилинмаган. 

«Бу Вазирлар Маҳкамаси, қатор давлат ва хўжалик бошқаруви идоралари раҳбарлари ва маҳаллий ҳокимликларнинг ишга масъулиятсиз ёндашаётганидан далолат бермоқда», - дея маълум қилди президент.