Велосипедда ҳаракатланган фуқаронинг умрига зомин бўлган ҳайдовчи ушланди

Фарғона вилоятининг Учкўприк туманида шу йил 6 декабрь куни номаълум ҳайдовчи аниқланмаган автомашинани Каттақашқар қишлоғи ҳудудида ҳайдаб кетаётиб, велосипедда кетаётган шу қишлоқда яшаган О.А.ни уриб юбориб, воқеа жойидан кетиб қолган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада О.А. жароҳат олиб, касалхонага ётқизилган ва кўрсатилган тиббий муолажаларга қарамай шу ерда вафот этган. Ҳолат юзасидан жиноят иши қўзғатилган.

Кўрилган чоралар натижасида ушбу йўл-транспорт ҳодисасини Учкўприк туманида яшовчи О.Х. ўз бошқарувидаги “ГАЗ-53” русумли юк автомашинасида содир этганлиги аниқланиб, ушланган. Тергов давом этмоқда.