«Ювентус» ҳужумчиси Криштиану Роналду ҳозирги жамоаси ва собиқ клуби «Реал»даги муҳит ўртасидаги фарқлар ҳақида гапириб берди.
«Айтишим мумкинки, мен ҳеч қачон бу ердагидек аҳил жамоадошлар даврасида бўлмаганман. Бу ерда биз – бир жамоамиз.
Бошқа клубларда баъзи ўйинчилар ўзларини бошқалардан юқорироқ деб ҳис қилади. Бу ерда эса ҳамма бир чизиқда жойлашган: бизда барчаси оддийгина.
Дибала ёки Манжукич гол ура олмасалар ҳам барибир хурсанд бўлиб, кўтаринки кайфиятни сақлаб қолишади. Менимча, бу – жуда ажойиб. Шу томондан фарқни кўряпман.
Роналду: «Мессини соғиндимми? Йўқ, аксинча – у мени соғинган бўлса керак!»
Реал»да ҳам камтар футболчилар жамланишган, аммо... бу жиҳатни «Ювентус»да кўпроқ ҳис этяпман. Клубдаги ҳамма нарса «Реал»дагидан фарқ қилади. Бир оиладек бўлиш ҳисси бу ерда кучлироқ.
Тарих ортда қолди. Энди меп «Ювентус» билан ғалабаларга эришишни, шу клуб шарафини ҳимоя қилишни истаяпман. Қолгани муҳим эмас. Агар «Реал» билан тўқнаш келсак ҳам, бор кучим билан ҳаракат қиламан.
Янги ўйинчилар? Хамес, Бэйл ва Асенсио ҳақида ёзишаётганига кўзим тушди, лекин очиғини айтганда «Ювентус»га янги футболчи шарт эмас. Қолганини президентдан сўраганингиз маъқул», - деган Роналдудан иқтибос келтирди La Gazzetta dello Sport.
