Ўзбекистонда энг кўп солиқларни савдо ва хизмат кўрсатиш корхоналари тўламоқда

Давлат солиқ қўмитаси 2018 йилнинг 11 ойи давомида ўтган йилнинг мос даврига нисбатан айрим асосий кўрсаткичларнинг ўсиш динамикаси тўғрисида маълумот берди.

Қайд этилишича, фаолият кўрсатаётган юридик шахслар сони 408,2 мингтадан 435,2 мингтага етди ёки 27,0 мингтага ошди.

Якка тартибдаги тадбиркорлар сони 196,4 мингтадан 241,8 мингтага етди (ўсиш 45,4 мингтага). Бюджетга солиқ тушумлари 47,9 трлн сўмни ташкил этиб, 41,8%га ўсди.

Шундан:

савдо ва хизмат кўрсатиш корхоналаридан тушумлар 5,5 трлн сўмни;

қурилиш соҳаси корхоналаридан тушумлар 3,1 трлн сўмни;

озиқ-овқат саноати корхоналаридан тушумлар 1,6 трлн сўмни;

умумий овқатланиш корхоналаридан тушумлар 179,6 млрд сўмни;

бошқа корхоналардан тушумлар 4,1 трлн сўмни ташкил қилди.