Назарбоев президентнинг ёлғизлиги нимада эканлигини айтди

Қозоғистон президенти телерадиомажмуаси Нурсултон Назарбоев давлат раҳбарининг ёлғизлиги нимада эканлиги ҳақида сўзлаган архив видеодан парчани эълон қилди.

“Ҳақиқий етакчи бўлишнинг мушкуллиги сен олдинга боқувчи эканлигингдадир. Сен етакланувчи эмас, етакчисан. Сен қаерга етаклаётганингни билишинг керак”, деб айтган Назарбоев. 

Қозоғистон президентининг таъкидлашича, унинг “снарядлар етказиб берувчи” маслаҳатчилари ва ёрдамчилари талайгина. 

“Ёзадилар, таҳлил қиладилар, ундай қилиш керак, бундай қилиш керак, деб таклиф берадилар. Бироқ сен қарор қабул қилишинг керак, улар ёзганлари учун жавоб бермайдилар. Президент қарор қабул қилиши ва унга жавоб бериши керак. Президентнинг ёлғизлиги мана шунда. Сен бир ўзинг ўтириб ишлайсан”, деб ўз фикрлари билан ўртоқлашган президент.