ПФЛ бугун 2018 йилнинг энг яхшиларини тақдирлайди

Профессионал Футбол Лигаси бугун соат 18:00да «Ўзэкспомарказ»нинг анжуманлар залида 2018 йилнинг энг яхшиларини тақдирлаш маросимини ўтказади. 

Унда қуйидаги номинациялар бўйича совринлар топширилади:

- Ўзбекистон чемпионатининг энг яхши футболчиси; 
- Ўзбекистон чемпионатининг энг яхши мураббийи; 
- Ўзбекистон чемпионатининг энг яхши дарвозабони; 
- Ўзбекистон чемпионатининг энг чиройли голи; 
- Суперлига 2018 тўпурари; 
- Ўзбекистон чемпионатининг энг яхши ёш футболчиси; 
- Ўзбекистон чемпионатининг энг яхши аёл футболчиси; 
- Ўзбекистон чемпионатининг энг яхши футзалчиси; 
- Fair Play соврини; 
- Ўзбекистон Профессионал Футбол Лигаси махсус соврини. 

Шунингдек, йил якунларига бағишланган тантанали маросимда мавсум давомида ўз соҳаси бўйича қолган клубларга ўрнак бўла оладиган тарзда фаолият олиб борган матбуот хизмати, маркетинг хизмати ва мухлислар билан ишлашда яхши натижаларга эришган фан-клублар ҳам алоҳида тақдирланади.  

Маросим Спорт ТВ орқали жонли эфирда намойиш этилади.