Россияда жаҳон интернетидан узиб қўйилиш эҳтимолига тайёргарлик кўрилмоқда

Фото: Марат Абулхатин / ТАСС

Парламентчилар гуруҳи Россия давлат думасига жаҳон интернет тармоғидан узиб қўйилганида рунет узлуксиз ишлашини таъминлайдиган қонун лойиҳасини тақдим этди.

Ҳужжатда хориж интернет-серверлари ўрнини босадиган махсус инфратузилма яратиш кўзда тутилмоқда.

Хабар қилинишича, мазкур инфратузилма маҳаллий операторлар глобал тармоққа улана олмаганидан рунетнинг барқарор ишлашини таъминлайди.

Ҳужжатда айтилишича, домен номларининг миллий тизими яратилади. Қонун лойиҳасида шунингдек, хатарларни аниқлаш ва рунет ишини қайта тиклаш бўйича мунтазам машқлар ўтказилиши ҳақида сўз боради.

Аввалроқ Россия банклари Visa ва Mastercard тизимидан узиб қўйилишга тайёрланаётгани хабар қилинганди.