Роналдунинг агенти унда «Ювентус»га ўтиш истаги қачон уйғонганига аниқлик киритди

«Ювентус» ҳужумчиси Криштиану Роналдунинг агенти мижозининг «Реал»дан Турин клубига ўтиши жараёни ҳақидаги баъзи маълумотларни очиқлади.

«Криштиану «Ювентус»га ўтишни истаётгани ҳақида менга январь ойидаёқ айтган эди. Ўшанда мен бу трансфер амалга ошмаса керак, деган фикрда эдим. Лекин нотўғри ўйлаган эканман.

Апрель ойида Туринда бўлиб ўтган «Юве»-«Реал» ўйинидан олдин Паратичи ва Недвед («Ювентус»нинг спорт директори ва вице-президенти – Tribuna) билан учрашганман. Шундан сўнг Аньелли («Ювентус» президенти) билан кўришдик. Ана шундан кейингина менда трансфернинг имкони борлигига ишонч уйғонди. Якунда эса музокараларга 2-3 ой вақт кетди», - деган Мендешнинг сўзларини чоп этди Tuttosport.

Эслатиб ўтамиз, португалиялик ҳужумчининг трансфер қиймати 112 миллион еврони ташкил этган эди. У А Серияда ортда қолган 16та турнинг барчасида қатнашиб, 11та гол ва 5та голли узатма муаллифи бўлди.