Бир қўлда Қуръон-у, бошқасида замонавий технологиялар

Хитойнинг Шанхай шаҳрида Робототехника бўйича бутундунё таълим мусобақаси (WER 2018 World Championship Contest) бўлиб ўтди. Туркия шарафини ҳимоя қилиш учун эса ёши 10 – 12 оралиғидаги 11 ҳофиза ўқувчи қизлар қатнашган ва “Энг таниқли жамоа” йўналишида ғолибликка лойиқ кўрилган.

Жажжи ҳофизалар Туркиянинг Кўнё шаҳридан келган. Улар Бедир таълим марказининг қизлар учун Қуръон курси тингловчилари ҳисобланишади. Марказда 300 қиз таҳсил олади. Таълим марказида хайрия ҳисобидан Робот кодлаштириш ательеси ҳам очилган бўлиб, қизлар у ерда алгоритмлар, код ёзиш ва юқори технологияларни ўрганади.

Маълумот учун, Робототехника бўйича бутундунё таълим мусобақасининг саралаш босқичида 3 – 18 ёш оралиғидаги 500 минг ёш, якуний босқичида эса 50 давлатдан етти минг иштирокчи қатнашган. Мусобақа эса уч кун давом этган.