Трамп Сурияда ИШИД устидан ғалаба қозонилганини эълон қилди

Фото: life.ru

АҚШ президенти Дональд Трамп Twitter саҳифасида Суриядаги вазифа бажарилганини маълум қилди.

«Биз Сурияда ИШИД устидан ғалаба қозондик, президентлигим вақтида у ерда бўлишимизнинг ягона сабаб шу эди», деб ёзди у.

Аввалроқ АҚШ Сурия ҳудудидан ўз қўшинларини олиб чиқиб кетиш ҳақида ўйлаётгани маълум бўлганди. Аммо қўшинларнинг қачон олиб чиқиб кетилиши муддати аниқ айтилмаган.

Оқ уй ва Пентагон бу борада ҳеч қандай изоҳ бермади.