Бирга бизнес қилиш баҳонасида танишини 140 млн сўмга алдаб кетган шахс ушланди

2018 йил 20 декабрь куни Хоразм вилоятининг Урганч шаҳар ИИБга тушган ҳужжатларга кўра, шу йил июнь ойида Андижон вилояти Шаҳрихон шаҳрида яшовчи А.З., таниши С.И. (аёл)га ишлаб чиқариш цехи борлигини ва совун маҳсулотларини етказиб беришини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс алдов йўли билан ундан жами 140 млн сўм пулини олиб кетган.

Кўрилган чоралар натижасида А.З. ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.