Москвада ўзбекистонлик эркак полициячиларга жароҳат етказгани учун қўлга олинди

Россия пойтахти марказида эркак кишини қўлга олиш чоғида Москва полициясининг икки нафар ходими жароҳат олди. ТАСС’нинг ҳуқуқни муҳофаза қилиш органларидаги манбага асосан хабар беришича, ҳодиса 25 декабрга ўтар тунда Земляной Вал кўчасида юз берган.

Агентлик суҳбатдоши сўзларига кўра, эркак киши ўзини тажовузкор тутиб, ўткинчиларга ташланган. Бундан ташқари, у полициячиларнинг огоҳлантирувига эътибор бермаган.

Қўлга олинган шахс полициячилардан бирининг юзига қўли билан зарба берган, бошқасининг эса панжасини жароҳатлади.

Қўлга олинган шахс Ўзбекистонда 1980 йилда туғилгани маълум бўлди, у полиция бўлимига олиб кетилди. Ушбу ҳолат юзасидан ҳокимият вакилига нисбатан зўравонлик қилиш бўйича жиноят иши очилди.