Фирибгарлик йўли билан 7000 доллар ўзлаштирган аёл қўлга олинди

Шу йилнинг 23 декабрь куни вилоят прокуратурасидан тушган ҳужжатларга кўра, Самарқанд шаҳрида 2016 йил 29 ноябрь куни К.Б. (аёл) Муллақандова кўчасида яшовчи Н.М. (аёл)ни уйида, унга ўғрилик жинояти учун қўлга олинган ўғлини ИИБ ходимлари билан келишган ҳолда жазодан озод қилиб беришини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс алдов йўли билан ундан 7000 АҚШ долларини олиб кетган.

Кўрилган чоралар натижасида К.Б. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.