Қашқадарёда йирик миқдорда ўғрилик содир этган шахс уч кунда аниқланиб, қўлга олинди

Шу йилнинг 23 декабрь куни номаълум шахс Қашқадарё вилоятининг Косон туманида яшовчи З.Ч. (аёл)нинг уйига девор ошиш йўли билан кириб, хонасидан 6 млн 600 минг сўм пули ва 12 турдаги заргарлик буюмларини ўғирлаб кетган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, кўрилган чоралар натижасида ушбу жиноятни Косон тумани Бойтерак маҳалласида яшовчи Б.М. содир этганлиги аниқланиб, қўлга олинган. 

Ушбу ҳолат юзасидан жиноят иши қўзғатилган. Тергов ҳаракатлари олиб борилмоқда.