Кеча, 27 декабрь куни Шайх Зайид номидаги Абу-Даби маданий мерослар фестивали доирасида ўзбекистонлик ошпазлар 10 минг кишилик палов дамлашди.
Палов Шайх Зайид таваллудининг 100 йиллиги муносабати билан тайёрланди.
Марказий майдонда битта асосий катта қозон ва унинг ёнида 8 та кичкина қозон ўрнатилди ҳамда 1,5 тоннадан ортиқ гуруч дамланди.
Паловни тайёрлаш давомида ўзбекистонлик 30 нафар ошпаз иштирок этди. Шунингдек, палов тайёрлаш ва тарқатиш жараёнида ўзбек куй-қўшиқлари ижро этилиб, шоу тақдим этилди.
Шайх Зайид номидаги Абу-Даби маданий мерослар фестивали 2 декабрь куни бошланган бўлиб, 2019 йил 26 январгача давом этади.
