АҚШ Россиядан қўлга олинган америкаликнинг зудлик билан озод этилишини талаб қилди

Фото: U.S. Marine Corps

АҚШ давлат котиби Майк Помпео Қўшма Штатлар Россияда қўлга олинган америкаликнинг зудлик билан ватанига қайтарилишини талаб қилмоқда, деб хабар берди Блумберг агентлиги.

"Биз Россияга айбловлар ҳақида, уни нимада айблашаётгани ҳақида кўпроқ нарса билмоқчи эканлигимизни маълум қилдик ва агарда бу қўлга олиш асоссиз бўлса, унинг зудлик билан қайтарилишини талаб қиламиз", дея унинг сўзларидан иқтибос келтирди агентлик.

Агентликнинг билдиришича, Помпео АҚШ бир неча соат ичида унинг ёнига консул кириши учун рухсат берилишига умид қилаётганини қайд этган.

Аввалроқ ФХХ ходимлари Москвада АҚШ фуқароси Пол Уиланни жосуслик билан шуғулланаётган вақтида ҳибсга олишгани хабар қилинганди. Унга нисбатан жиноят иши қўзғатилган.