Муҳожирлар Европа Иттифоқи ҳудудига матраслар ичида ўтишга ҳаракат қилишди (видео)

Испания полицияси Европа Иттифоқи ҳудудига матраслар ичида яширинган ҳолда ўтишга ҳаракат қилган икки нафар африкалик ноқонуний муҳожирни қўлга олди. 

Испаниялик сенатор Жон Иньярриту твиттерда жойлаштирган видеода полициячилар автомобил устига ортилган матрасларни ерга эҳтиёткорлик билан тушираётганларини кўриш мумкин. Шундан кейин полициячилардан бири матрас қопламасини пичоқ билан қирқа бошлайди ва матрас ичида ётган муҳожирни аниқлайди. 

Муҳожирларнинг бу вақтдаги юз ифодаларига кўра, улар “айёр” режаларининг фош бўлганидан жуда ҳайратланишган.