Шу йилнинг 2 январь куни Тошкент вилоятининг Қибрай туманида яшовчи, Агротадбиркор касб-ҳунар коллежи юқори курс ўқувчиси Ш.А. тегишли ҳужжатларсиз “Спарк” русумли автомашинани Улуғ-йўл кўчасида ҳайдаб, пиёда кетаётган вилоят ички ишлар ходимини уриб юборган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада ходим “бош мия очиқ жароҳати ва 2-3 даражали кома ҳолати” ташхиси билан касалхонага ётқизилган.
Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда, дейилади хабарда.
