Фото: thenational.ae
Дубайда бортида экипаж аъзолари ва 8 нафар турист бўлган нархи 1,5 миллион доллар турувчи яхта чўкиб кетди, деб хабар берди The National нашри.
Нашрнинг билдиришича, ижарага олинган яхта остида ёриқлар пайдо бўлиши оқибатида чўкиб кетган.
Полиция қайиғи яхта чўкишни бошлаши билан унинг ёнига етиб борган ва унинг бортида бўлганларнинг барчасини қутқарган.
Яхта чўкаётган вақтда у қирғоқдан 200 метр нарида бўлган. Ҳодиса натижасида ҳеч ким жароҳатланмаган.
