ЕИ 2015 йилдан бери Ўрта Ер денгизида 650 мингдан ортиқ мигрантни қутқарди

Фото: AP Photo / Olmo Calvo

Евроиттифоқнинг Ўрта Ер денгизида ўтказган ҳарбий-денгиз операциялари натижасида ўтган уч йил ичида Африка ва Яқин Шарқ мамлакатларидан бўлган 650 мингдан ортиқ қочоқ қутқарилди. Бу ҳақда миграция, ички ишлар ва фуқаролик масалалари бўйича еврокомиссар Димитрис Аврамопулос маълум қилди.

Ўтган йилнинг мартида ЕИ давлатлари Ўрта Ер денгизи орқали мигрантларнинг ноқонуний олиб ўтилиши ва одамларни қутқариш бўйича “София” миссияси мандатини 2019 йил мартигача узайтиришга келишиб олганди.

Кейинчалик “София” номини олган EUNAVFOR MED операцияси 2015 йилдан буён ўтказиб келинади ва Европага Ўртаер денгизи орқали ўтишга уринган мигрантларни қутқаришга қаратилган.