Қашқадарёда коллеж ўқувчиси ушланди. У аёл кишига қўл кўтарган

Иллюстратив фото

2019 йил 11 январь куни Қашқадарё вилоятининг Нишон тумани Таллимаржон шаҳарчасида яшовчи, Қарши транспорт касб-ҳунар коллежи 3-босқич ўқувчиси Б.М. Қарши шаҳар 6-микрорайонда ўзаро жанжал туфайли таниши, Косон тумани Халқобод маҳалласида яшовчи М.Б. (аёл)нинг юз, бош ва танасининг турли жойларига қўллари билан уриб, жароҳат етказган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада М.Б. касалхонага ётқизилиб, Б.М. қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда, дейилади хабарда.