We Global Football сайти экспертлари Осиё Кубогининг 1/8 финалига чиққан терма жамоаларнинг мусобақадаги имкониятларини чамалаб кўрдилар.
Янги таҳлилга кўра, Ўзбекистон терма жамоасининг Осиё чемпиони бўлиш имконияти атиги 1,8%га баҳоланган.
Бундан ташқари, ўзбекистонликларнинг чоракфиналга чиқиш имконияти (24,6%) Қирғизистон терма жамоасиникидан (40,9%) ҳам паст. Эслатиб ўтамиз, биз нимчоракфиналда Австралия билан, Қирғизистон эса БАА билан беллашади.
We Global Football экспертлари фикрига кўра, Осиё Кубогида ғалаба қозониш учун энг кўп имкониятга эга терма жамоалар – Эрон (22,5%), Австралия (21,2%), Жанубий Корея (19,2%) ва Япония (16,9%).
