Германияда Эроннинг Mahan Air авиакомпаниясининг фаолият кўрсатиш рухсатномаси бекор қилинди

Фото: AFP/ MOHAMMED HUWAIS

Германия ҳукумати Эроннинг Mahan Air компаниясига ГФРда фаолият кўрсатиш учун берилган рухсатномаси бекор қилинди. Бу ҳақда ҳукуматдаги манбасига таяниб Reuters хабар берди.

Маълум қилинишича, авиакомпаниядан ҳарбий мақсадларда фойдаланилаётгани борасида шубҳалар пайдо бўлган. Mahan Air Мюнхен ва Дюссельдорфдан Теҳронга парвозларни амалга ошириб келган.

Аввалроқ Bild газетаси авиакомпания Ислом инқилоби қўриқчилари корпусининг собиқ командирига тегишли эканлигини хабар қилганди. Қайд этилишича, авиакомпания Сурия президенти Башар Асад билан ҳамкорлик қилади ва бу мамлакатга жангарилар ва қуроллар ташиш билан шуғулланади.

Mahan Air 2011 йилда АҚШ санкциялар рўйхатига тушган.