Бугун, 21 январь куни Осиё Кубогида нимчорак финал доирасида яна 3та ўйин бўлиб ўтади.
Куннинг биринчи учрашуви гуруҳ босқичида Ўзбекистонга гуруҳдош бўлган ва биринчи ўринни эгаллаган Япония терма жамоаси ҳамда E гуруҳида Қатардан ортда қолиб, иккинчи бўлган Саудия Арабистони ўртасида кечади. Бу ўйин маҳаллий вақт билан соат 15:00да (Тошкент вақти билан соат 16:00да) бошланади. Бу жуфтлик ғолибини кейинги босқичда Вьетнам кутмоқда. Чорак финал ўйини 24 январь куни бўлиб ўтади.
Бугун Ўзбекистон миллий терма жамоаси Осиё Кубоги 1/8 финалидан ўрин олган учрашувда Австралияга қарши майдонга тушади. Ўйин Ал-Айн шаҳридаги «Халифа бин Зайд» стадионида маҳаллий вақт билан соат 18:00да (Тошкент вақти билан соат 19:00да) бошланади.
Гуруҳ босқичида Ўзбекистон F гуруҳида иштирок этиб, Япониядан кейин иккинчи ўринни олган, Австралия эса B гуруҳида Иорданиядан ортда қолган ва иккинчи ўрин билан плей-оффга чиққан. Бу жуфтлик ғолиби чорак финалда, 25 январь куни БАА-Қирғизистон жуфтлиги ғолиби билан беллашади.
Куннинг учинчи ўйини эса турнир мезбонлари Бирлашган Араб Амирликлари ҳамда Қирғизистон ўртасида кечади. Учрашув 22:00 да бошланади. БАА гуруҳ босқичини А гуруҳида ўтказиб, 5 очко билан 1-ўринни эгаллаганди. Қирғизистон эса C гуруҳидан учинчи ўрин билан плей-оффга чиққан. Юқорида айтилганидек, бу жуфтлик ғолиби чорак финалда Ўзбекистон ва Австралия жуфтлигида ғолиб бўлган жамоага қарши ярим финал йўлланмаси учун майдонга чиқади.