Индонезияда сув тошқинлари ва кўчкилар оқибатида ҳалок бўлганлар сони 70га етди

Фото: AFP

Индонезиянинг Сулавеси оролида юз берган сув тошқинлари ва кўчкилар оқибатида 68 киши ҳалок бўлди, деб хабар берди Синьхуа агентлиги табиий офатлар оқибатларига қарши курашиш бошқармаси вакили Сутопо Пурво Нугрохога таяниб.
Нугрохонинг сўзларига кўра, яна 47 киши жароҳатланган.

Аввалроқ Жанубий Сулавеси вилоятида 59 киши ҳалок бўлгани хабар қилинганди.

Сув тошқинлари ва кўчкиларга тинмсиз ёмғирлар натижасида дарё сатҳининг кўтарилиши сабаб бўлган. Бир нечта ҳукумат биноларига шикаст етган, тўққизта кўприк вайрон бўлган.