Нетаньяху Эронни Исроилга ҳар куни киберҳужум уюштиришда айблади

Эрон кунлик асосда Исроилга киберҳужумлар уюштирмоқда. Исроил бош вазири Биньямин Нетаньяху ана шундай баёнот билан чиқди.

"Эрон кунлик асосда Исроилга киберҳужумлар уюштирмоқда. Биз бу ҳужумларни кузатиб турибмиз. Киберҳужумларни ҳар сафар қайтармоқдамиз", деди бош вазир.

"Эрон биз учун бошқа кўплаб соҳаларда ҳам таҳдид солади. Кейинги 24 соат ичида Эрондан бизни йўқ қилиб ташлаш, шаҳарларимизга ракета зарбалари бериши ҳақидаги таҳдидларни эшитдик. Биз бу таҳдидларни ёдда тутамиз, аммо улар бизда хавотир уйғотмайди. Чунки биз ҳимояда ҳам, ҳужумда ҳам қандай кучга эга эканлигимизни биламиз", деб қўшиб қўйган Нетаньяху.