ИИВ марказий аппарати ва ҳудудий тизимларида янги лавозим тайинловлари рўй берди

Ўзбекистон Республикаси Ички ишлар вазирлиги тизимида янги лавозим тайинловлари амалга оширилди.

Қуйидагилар вазирликнинг марказий аппаратида ва ҳудудларда раҳбарлик лавозимларига тайинландилар:

полковник Ислом Бахтиёр ўғли Аҳмедов - Қорақалпоғистон Республикаси Ички ишлар вазирининг ўринбосари – кадрлар бошқармаси бошлиғи лавозимига;

подполковник Рустамбек Мадамбекович Камолов - Ўзбекистон Республикаси ИИВ Кадрлар бош бошқармаси бошлиғининг ўринбосари – касбий тайёргарликни ташкиллаштириш бошқармаси бошлиғи лавозимига;

майор Фаррух Шавкатович Акмалов - Ўзбекистон Республикаси ИИВ 1-сон Тошкент академик лицейи директори лавозимига;

полковник Дониёр Бахтиёрович Тошхўжаев - Тошкент шаҳар Ички ишлар бош бошқармаси бошлиғининг ўринбосари – кадрлар бошқармаси бошлиғи лавозимига;

подполковник Ҳасанбой Турғунбоевич Ортиқов - Наманган вилояти Ички ишлар бошқармаси бошлиғининг ўринбосари – кадрлар бошқармаси бошлиғи лавозимига.