Россияликлар Ўзбекистонда платинали қотишма учун патент олишди

Платина/Фото: Getty Images

«В.Н.Гулидов номидаги Красноярск рангли металлар заводи» ОАЖ мутахассислари томонидан кимё саноатида қўлланадиган катализаторли тўрлар учун мўлжалланган платинали қотишма ихтиро қилинди.

Ўзбекистон Интеллектуал мулк агентлиги ахборот хизмати хабарига кўра, ушбу ихтиронинг вазифаси барқарор механик хусусиятларга эга бўлган ва юқори каталитик фаолликни сақлаган ҳолда ундан тайёрланган каталитик пакетларнинг узоқ ишлатилишини таъминлайдиган катализатор тўрлари учун платинали қотишма таркибини ишлаб чиқишдан иборат.

Қайд этилишича, россиялик ихтирочилар Валерий Ефимов ва Сергей Мамоновларга агентлик томонидан патент берилган.

#Россия #патент #қотишма