Новак Жокович Путиннинг таклифига рад жавоби берган

Дунёнинг биринчи ракетаси Новак Жоковичнинг отаси Сржан ўғли ва Россия президенти Владимир Путин ўртасида юз берган вазият ҳақида гапириб берди.

Таниқли теннисчининг отаси давлат раҳбари спортчига мурожаат қилгани ҳақидаги воқеа билан ўртоқлашди.

«Россия президенти Владимир Путин Новакни Сочидаги Олимпиада вақтида Россия-АҚШ хоккей ўйинига ташриф буюришни таклиф қилганди. Новак Дубайдаги мусобақада ўйнаётганди ва кела олмади. Баъзан у жуда банд, чунки унинг вазифаси - бутун тарихдаги энг буюк теннисчи бўлиш», - дея таъкидлаб ўтди унинг отаси.

Кичик Жокович - Профессионал теннисчилар ассоциацияси (ATP) жаҳон тури тарихида якка тартибда нафақат «Катта дубулға»нинг тўртта турнири, балки «Мастерс» сериясидаги АТР’нинг барча тўққизта мусобақасида ғалаба қозонган биринчи теннисчи.