Вальверде: «Барселона» Мессисиз ҳам ғалаба қозонади»

«Барселона» бош мураббийи Эрнесто Вальверде ҳужумчи Лионель Мессини Испания Кубоги яримфиналидан ўрин олган «Реал»га қарши ўйинда иштирок этиши бўйича якуний қарорга келмаганини айтди.

Аввалроқ, аргентиналик мушак жароҳатини олган эди.

«Биз яна бир машғулот ўтказамиз, уни қандай ўтишини кузатамиз. Леони ҳали кўрмадим ва ҳозирча унинг «Реал»га қарши ўйинда майдонга тушиши бўйича якуний қарорга келмадим. Олдин биз унинг аҳволини кузатиб, кейин хулосага келишимиз лозим. 

Месси майдонга тушадими ёки йўқми, биз ўз услубимизни ўзгартирмаймиз. «Барселона» ғалаба қозонишда, ташаббусга эга бўлишда ва гол уришда давом этади», — деб Вальверде сўзларини келтирмоқда Mundo Deportivo.

Испания Кубоги 1/2 финалидан ўрин олган «Барселона» — «Реал» ўйини 6 февраль куни тунда ўтказилади.