«Капиталбанк» АТБ бир нуқтада туриб қолмай, банк хизматлари соҳасига инновациялар жорий қилишда ва республика бўйича филиалларини кенгайтиришда давом этмоқда.
![](https://storage.kun.uz/source/3/LblJ_1Fzx29UDHYvPkqITATtvpsIsUXw.jpg)
3 февраль куни Андижон шаҳрида «Капиталбанк» АТБнинг «Андижон» банк хизматлари кўрсатиш Марказининг очилиш маросими бўлиб ўтди. Жисмоний ва юридик шахслар учун хизмат қилувчи бу марказни очишдан мақсад – юқори технологияли банк хизматларини кўрсатиш маданиятини оширишдан иборат. Банк хизматлари кўрсатиш Марказининг янги биносида турли бўлимлар фаолият юритади ва уларда мижозлар учун барча қулайликлар яратилган.
Шунингдек "Kapital 24/7" ўз-ўзига хизмат кўрсатиш инновацион ҳудуди ҳам ташкил этилган бўлиб, мижозлар бу имкониятдан сутка давомида узлуксиз фойдаланишлари мумкин.
![](https://storage.kun.uz/source/3/JLgPKnt5TI6iNcNkyraQmtNR5M3k_-EV.jpg)
Янги Марказда банк хизматлари кўрсатишнинг барча турлари – жисмоний шахслардан юридик шахсларгача ҳисоб рақами очиш ва бошқа кўплаб банк хизматлари соддалаштирилган тартибда амалга оширилади.
Таъкидлаш жоизки, «Капиталбанк» АТБнинг барқарорлиги “Ахбор-Рейтинг” миллий рейтинг агентлиги томонидан “ўзА+жуда юқори” дея баҳоланган. Бундан ташқари банк қатор халқаро рейтинг агентликлари томонидан ижобий баҳога лойиқ кўрилган. Хусусан Moody's агентлиги томонидан - B3, барқарор прогноз қўйилган.
![](https://storage.kun.uz/source/3/G5J51N99sY9O-vfb8sgJEf_6wgibY_yA.jpg)
Булар шундан далолат берадики «Капиталбанк» бир нуқтада туриб қолмаяпти ва ўз хизматлари доирасини мунтазам кенгайтириб бориш билан бирга сифат даражасини ҳам юқори даражада сақлаб турибди.
Реклама ҳуқуқи асосида